Azərbaycan akademik avarçəkəni Aleksandr Aleksandrov Cənubi Koreyanın Çunqju şəhərində start götürən dünya çempionatına uğurla başlayıb. Apasport.az saytının məlumatına görə, 23 yaşlı təmsilçimiz seçmə mərhələdə 1 nəfərlik qayıqla (M1x) 2000 metr məsafəyə yürüşdə 2-ci olub.

Finişə 7 dəqiqə 10,96 saniyəyə çatan Aleksandrov yalnız Anxel Furnier Rodrigesdən (Kuba) 8,12 saniyə geri qalıb. 3-cü yeri isə Vladislav Yakovlev (Qazaxıstan) tutub. Yakovlev 7 dəqiqə 21,48 saniyə nəticə göstərib.

Qaydalara əsasən, hər 3 avarçəkən təsəlli yürüşünə qatılmadan birbaşa 1/4 finala adlayıb. Növbəti mərhələ avqustun 28-də olacaq.

Mənbə: amaf.az

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı