Boks üzrə Azərbaycan milli komandası dünya çempionatlarında medalların əyarına görə tarixinin ən yaxşı nəticəsinə imza atıb. Apasport.az saytının məlumatına görə, yığmamız buna Qazaxıstanın Almatı şəhərində başa çatan mundialda nail olub.

Belə ki, müstəqil ölkə kimi qatıldığımız yarışlarda millimiz ilk dəfə 2 qızıl və 1 bürünc medal qazanmaqla yeni rekord müəyyənləşdirib. Buna kimi isə komandamızın ən yüksək göstəricisi 2011-ci ildə Bakıda təşkil olunan çempionatda sahib olduğumuz 1 qızıl və 1 gümüş medal idi. Bu isə daha çox - 3 medal qazandığımız 2003 və 2005-ci ildəki yarışdan üstün sayılırdı.

Almatıda yeni rekordla yanaşı, medalların sayına görə rekordumuz da təkrarlanıb (3 medal).

Həmçinin, Azərbaycan boks tarixində yeni səhifə açılıb. Məhəmmədrəsul Məcidov 2 qat dünya çempionumuz olan yeganə idmançıya çevrilib. Ona kimi isə bu uğura Ağası Məmmədov sevinmişdisə, Qazaxıstanda Cavid Çələbiyev də fəxri kürsünün ən yüksək pilləsinə qalxıb.

Dünya çempionatındakı bütün mükafatçılarımız

İl	Keçirildiyi yer	Çəki dərəcəsi	idmançı	Medal
1999	Hyuston (ABŞ)	81 kq	Əli İsmayılov	Bürünc
2003	Banqkok (Tailand)	54 kq	Ağası Məmmədov	Qızıl
		64 kq	Tofiq Əhmədov	Bürünc
		69 kq	Ruslan Xairov	Bürünc
2005	Myanyanq (Çin)	60 kq	Roman Amanov	Gümüş
		64 kq	Emil Məhərrəmov	Bürünc
		91 kq	Elçin Əlizadə	Gümüş
2007	Çikaqo (ABŞ)	51 kq	Samir Məmmədov	Bürünc
2011	Bakı (Azərbaycan)	91 kq	Teymur Məmmədov	Gümüş
		+91 kq	Məhəmmədrəsul Məcidov	Qızıl
2013	Almatı (Qazaxıstan)	56 kq	Cavid Çələbiyev	Qızıl
		91 kq	Teymur Məmmədov	Gümüş
		+91 kq	Məhəmmədrəsul Məcidov	Qızıl

Tahir HÜMMƏTOV

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı