Beynəlxalq Сüdo Federasiyası yeni reytinq cədvəlini açıqlayıb. Apasport.az saytının məlumatına görə, Qinqdaoda keçirilən Qran-prinin yekununa əsasən açıqlanan siyahı Azərbaycan millisinin aparıcı üzvləri üçün yenə uğursuz alınıb.

Belə ki, yarışda iştirak etməyən yığmamızda bu dəfə də irəliləyən cüdoçumuz olmayıb və 3 idmançımız geriləyib. Onlardan ən çox aşağı düşən Ramilə Yusubova (63 kq) olub. Karyerası sual altında olan təmsilçimiz 2 pillə geriləməklə, 66-cı yerə enib. Nicat Şıxəlizadə (66 kq) və Rüstəm Orucov (73 kq) da mövqeyini itirib. Onlar hərəyə 1 pillə aşağı düşməklə, müvafiq olaraq, 13-cü və 14-cüdür.

İlqar Müşkiyev, Orxan Səfərov (hər ikisi 60 kq), Tərlan Kərimov (66 kq), Tural Səfquliyev, Elnur Məmmədli (hər ikisi 81 kq), Şahin Qəhrəmanov (90 kq), Elxan Məmmədov, Elmar Qasımov (hər ikisi 100 kq) və Kifayət Qasımova (57 kq) yerlərində qalıblar. Bu cüdoçularımız müvafiq olaraq, yenə 15-ci, 23-cü, 48-ci, 34-cü, 52-ci, 7-ci, 1-ci, 7-ci və 16-cı pillədədirlər.

Qeyd edək ki, bu idman növündə Olimpiadaya lisenziya reytinq cədvəlinə əsasən verilir.

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı