“Formula-1” rəhbərliyi mövsümün təqviminə daha iki yarışın daxil edildiyini rəsmən açıqlayıb.

Apasport.az saytının məlumatına görə, bunlar Toskana və Rusiya Qran-Priləridir.

Sentyabrın 11-13-də Mudjelloda ilk dəfə təşkil olunacaq yarış İtaliyanın Toskana bölgəsinin adını daşıyacaq. Soçi Qran-Prisi isə sentyabrın 25-27-də keçiriləcək. Bununla da rəsmi təqvimə daxil edilən yarışların sayı 10-a çatıb.

Qeyd edək ki, iyulun 3-də Avstriyada “Red Bull” trasında start götürən mövsüm Şpilberqdəki  Ştiriya Qran-Prisi ilə davam etdiriləcək. Bundan sonra Macarıstanda bir, Böyük Britaniyada 2 mərhələ təşkil olunacaq. İspaniya, Belçika və İtaliyada da mərhələlər keçiriləcək.
 

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək