Bu ilin dekabrına planlaşdırılan güləş üzrə dünya çempionatı baş tutacaq.
 
Apasport.az saytının məlumatına görə, bunu Rusiya İdman Güləşi Federasiyasının prezidenti Mixail Mamiaşvili açıqlayıb.
 
O bildirib ki, koronavirus pandemiyası səbəbindən keçirilməsi sual altına düşən Serbiyanın paytaxtı Belqraddakı yarış təşkil olunacaq. Mamiaşvili çempionatın formatının dəqiqləşmədiyini qeyd edib.
 
Onun sözlərinə görə, bu barədə qərarı sabah Dünya Güləş Birliyi (UWW) verəcək: “Tədbir baş tutacaq, amma hansı formatda olacağı artıq başqa sualdır. Dekabrda güləş üzrə böyük dünya miqyaslı turnirin keçiriləcəyi dəqiqdir”.
 
Qeyd edək ki, çempionatın dekabrın 12-20-də keçirilməsi nəzərdə tutulub.

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək