Atletika üzrə dünya çempionatı təxirə salınıb.

Apasport.az saytının məlumatına görə, bu barədə qərarı Beynəlxalq Atletika Federasiyası verib.

2021-ci il avqustun 6-15-də keçirilməli olan mundial bir il sonra baş tutacaq. ABŞ-ın Yudjin şəhərində 2022-ci ildə təşkil olunacaq yarışın tarixi federasiya ilə Təşkilat Komitəsi arasında müzakirələrdən sonra dəqiqləşəcək.

Təxirə salınmaya səbəb Tokio-2020 Yay Olimpiya Oyunlarıdır. Koronavirus pandemiyası üzündən 2020-ci ildən təxirə salınan yarış 2021-ci il iyulun 23-dən avqustun 8-dək keçiriləcək.

Qeyd edək ki, atletika üzrə bir sıra yarışların, o cümlədən Avropa çempionatının da tarixinin dəyişdiriləcəyi planlaşdırılır.
 

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb