İtaliya millisi ən uzun quru seriya rekordunu yeniləyib.

Apasport.az saytının məlumatına görə, “Skuadra Adzurra” bunu AVRO-2020-nin 1/8 final mərhələsində Avstriya ilə oyunda reallaşdırıb.

90 dəqiqə 0:0 hesabı ilə başa çatdığından, Roberto Mançininin kollektivi qol buraxmadığı dəqiqə sayını 1145-ə çatdırıb. Bununla 1972-1974-cü illərdə ardıcıl 1143 dəqiqə qapısının toxunulmazlığını saxlayan Dino Zoffun rekordu qırılıb. Onun seriyasına Haiti ilə qarşılaşmada son qoyulmuşdu.

Hazırkı seriya zamanı isə İtaliya yığmasında çərçivəni 4 qapıçı qoruyub: Canluici Donnarumma (964 dəqiqə), Salvatore Siriqu (91), Alessio Kranyo (63), Aleks Meret (27).
 

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək