“Böyük dəbilqə” turnirlərinin 23 qat qalibi Serena Uilyams Tokio-2020 Yay Olimpiya Oyunlarında iştirak etməyəcək.

Apasport.az saytının məlumatına görə, bunu məşhur tennisçinin özü açıqlayıb.

O bildirib ki, Yaponiya paytaxtındakı yarışdan kənarda qalacaq: “Adım iştirakçıların siyahısında yoxdur. Əgər orda varsa da, əslində olmamalıdır”.

Serena Olimpiadaların 4 qat çempionudur. O, bir dəfə fərdi yarışlarda, üç dəfə bacısı Vinusla cütlükdə qalib adına yiyələnib.

Qeyd edək ki, Tokio-2020-nin tennis yarışları iyulun 24-dən avqustun 1-dək keçiriləcək.
 

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar