Cüdo üzrə “Doha Masters” turnirində iştirak edəcək Azərbaycan yığmasının heyəti müəyyənləşib.

Apasport.az saytının məlumatına görə, millimiz 2021-ci ilin ilk sınağına 9 idmançı ilə yollanacaq.

Qətərdə tatamı üzərinə 6 kişi və 3 qadın cüdoçumuz çıxacaq. Nicat Şıxəlizadə və Orxan Səfərov 66 kq, Məmmədəli Mehdiyev 90 kq, Elmar Qasımovla Zelim Kotsoyev 100 kq, Uşanqi Kokauri +100 kq çəki dərəcəsində mübarizə aparacaq. Qadınların yarışında Aişə Qurbanlı və Leyla Əliyeva 48 kq, İrina Kindzerska +78 kq çəkidə mükafatlar uğrunda yarışacaq.

Qeyd edək ki, yanvarın 11-13-də keçiriləcək yarışda 65 ölkədən ümumilikdə 330 (188 kişi, 142 qadın) cüdoçu qüvvəsini sınayacaq.
 

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək