Misli Premyer Liqasında mövsümün 3-cü het-triki qeydə alınıb.

Apasport.az xəbər verir ki, “Qarabağ”ın futbolçusu Leandro Andrade XXX turun “Səbail”lə görüşündə 3 qola imza atıb.

Portuqaliyalı yarımmüdafiəçiyə qədər yalnız Davit Volkov het-trik müəllifi olub. “Zirə”nin hücumçusu I turda “Səbail”, XV turda “Sumqayıt”ın qapısına 3 dəfə yol tapıb. Maraqlıdır ki, het-trik qeydə alınan hər üç qarşılaşma 4:1 hesabı ilə başa çatıb.

Volkovun 3 qol vurduğu matçlar ev oyunları olub və 2024-cü ilə təsadüf edib. Andrade cari mövsümdə səfərdə het-trik edən ilk oyunçudur. O, həm də 2025-ci ildə bunu bacaran ilk futbolçu olub.

• Azər Bağırov: “Bu şəhər futbolla yaşayır”
• “Turan Tovuz”dan hakim qərarlarına etiraz - “Təmiz futbol, ədalətli qərarlar tələb edirik!” - VİDEO
• Kurban Berdıyev: “Hər kəs gördü ki, qoldur, bircə hakim görmədi”
• “Şamaxı” Tovuz səfərindən 1 xalla qayıdır - YENİLƏNİB
• Tahir Gözel: “Bu yolu birlikdə davam etdirməliyik”