"Sabah" klubundan ayrılan Boyan Letiç sosial şəbəkə hesabında vida paylaşımı edib.

Apasport.az xəbər verir ki, futbolçu paylaşımında “Sabah”ın onun üçün hər zaman xüsusi yerə sahib olacağını bildirib:

“Yollarımız ayrılsa da, "Sabah"ın mənim qəlbimdə hər zaman xüsusi yeri olacaq. Buradan başıuca ayrılıram və sizə ən böyük nailiyyətlər arzulayıram. Mənə güvəndikləri üçün rəhbərliyə, göstərdikləri dəstəyə görə məşqçilər heyətinə və çiyin-çiyinə mübarizə apardığımız hər bir komanda yoldaşıma təşəkkür edirəm. Amma hər şeydən öncə, azarkeşlərə minnətdaram: sizin qeyd-şərtsiz dəstəyiniz hər oyunda mənim əsas güc mənbəyim olub. Sizin səmimiyyətinizi heç vaxt unutmayacağam. ‘Sabah’ və Bakı hər zaman mənim evim olacaq”.

Qeyd edək ki, Letiç 2022-ci ildən "Sabah" forması geyinirdi. 

• AFFA futbol klublarının akademiya rəhbərləri ilə əməkdaşlığın genişləndirilməsini müzakirə edib
• Kurban Berdıyev: “Son 10 dəqiqəni çıxmaq şərtilə…”
• Dambrauskas: “Məğlubiyyətin məsuliyyətini mən daşıyıram”
• “Sabah” Tovuzdan əliboş qayıdır - YENİLƏNİB
• Bakıda keçirilən FIFA U-15 dünya çempionatının mükafatlandırma mərasimi keçirilib