“Qarabağ”ın sabiq hücumçusu Danilo Diaş apasport.az saytına açıqlama verib.

Vaxtı ilə “Maritimo”dan “Qarabağ”a keçmiş braziliyalı futbolçu Juninyonun Ağdam klubunu tərk edərək “Flamenqo”ya keçməsinə münasibət bildirib:

“Juninyo əla futbolçudur. O, komandaya ilk gəldiyi gündə də bu cür düşünürdüm. Əla futbolçu olduğunu zamanla təsdiq etdi. Juninyo çox cəlddir, sürətlidir, qollar vurur. Doğrudur, “Qarabağ”dan gedişi komanda üçün yaxşı olmaya bilər. Amma hər halda, “Qarabağ”ın adına da bu cür kluba futbolçu satmaq yaxşıdır. Juninyo “Qarabağ”dakı kimi “Flamenqo”da qollar vurmağa davam edərsə, Braziliyada böyük uğurlar onu gözləyir. Düzdür, Braziliyada bizim üçün “Flamenqo”nun “Qarabağ”dan oyunçu alması az da olsa, sürpriz idi. Lakin Juninyonu yaxından tanıyan biri kimi deyə bilərəm ki, onun səviyyəsi yüksəkdir. Ümidvaram ki, Juninyonun “Flamenqo”dakı işləri yaxşı alınar, “Qarabağ” da onun əvəzini istədiyi kimi dolduracaq”.

• Naxçıvanda daha bir idman federasiyası fəaliyyətini dayandırıb
• Taekvondo üzrə millimizdə növbəti təyinat
• AFFA-nın əməkdaşı İsveçrədə beynəlxalq seminarda iştirak edib
• Faiq Hacıyev: "Kurban Berdıyev lazım olan açıqlamanı verib"
• “Neftçi” – “Sabah” matçının biletləri satışa çıxarılıb