İstanbul Baş Prokurorluğu tərəfindən aparılan istintaq çərçivəsində "narkotik maddə əldə etmək" və "narkotik maddənin istifadəsinə şərait yaratmaq" ittihamları ilə ifadə verməyə çağırılan "Fənərbaxça" klubunun prezidenti, iş adamı Sadettin Saran sərbəst buraxılıb.

Apasport.az xəbər verir ki, Saran İstanbul Baş Prokurorluğunda təxminən 2 saat ifadə verib.

Qan və saç nümunəsi götürülməsi üçün Tibb İnstitutuna göndərilən iş adamı prosedurların ardından yenidən məhkəməyə gətirilib. O, xaricə çıxış qadağası və məhkəmə nəzarəti şərti ilə azadlığa buraxılıb.

Saran sərbəst buraxıldıqdan sonra "Eyüpspor" – "Fənərbaxça" oyununun ikinci hissəsində stadiona daxil olaraq komandasını dəstəkləyib.

• İlham Əliyev Bakıda keçirilən FIFA U-15 mundialının finalını izləyib - YENİLƏNİB
• Bakıda FIFA U-15 dünya çempionatının bağlanış mərasimi keçirilib - YENİLƏNİB - FOTO
• Dörd iddiaçı, bir çempion – Qızıl medallara kim daha yaxındır?
• Ölkə kubokunda qol “yağışı”: 18 oyunda 107 qol
• “Kəpəz” “Turan Tovuz”un rekordunu yeniləyib