"Ferentsvaroş"un futbolçusu Toon Raemaekers UEFA Çempionlar Liqası pley-off mərhələsinin "Qarabağ"la cavab matçından öncə keçirilən mətbuat konfransında iştirak edib.

Apasport.az xəbər verir ki, belçikalı mərkəz müdafiəçisi Bakıya qələbə üçün gəldiklərini bildirib:

"Komandada əhval-ruhiyyə yaxşıdır, hər şey qaydasındadır. Biz bura yalnız qələbə qazanmaq üçün gəlmişik. İlk matçda bəxtimiz gətirmədi, bəzi səhvlərə yol verdik. Fikrimcə, gözlədiyimiz oyunu tam göstərə bilmədik. Sabah eyni səhvlərə yol verməməyə çalışacağıq".

Qeyd edək ki, "Qarabağ" - "Ferentsvaroş" qarşılaşması sabah saat 20:45-də Tofiq Bəhramov adına Respublika Stadionunda baş  tutacaq.

• "Neftçi" derbi hazırlığını yekunlaşdırıb - FOTO
• Şəhid jurnalistlərin Xatirə Turnirinə yekun vurulub
• Hidayət Heydərov: "Özümə söz vermişdim ki, qızıl medalı qazanıb Zəfər Gününə həsr edəcəm"
• Rəşad Sadıqov: "Hakim səhvi nəticəyə təsir etmədi"
• Kurban Berdiyev: "Bilmirəm baş hakim qərarını niyə dəyişdi"