Bu gün Nərimanov Rayon Məhkəməsində “Sumqayıt” Futbol Klubunun prezidenti Riad Rəfiyevin "matc.az" saytının baş redaktoru İxtiyar Əsgərov və "sports.az" saytının baş redaktoru Anar Şabanoğluna qarşı şikayəti əsasında hazırlıq iclası keçirilib.

Apasport.az xəbər verir ki, məhkəmə iclasına hakim Nərgiz Tağiyeva sədrlik edib.

Hakim iddiaçı tərəfin sübutlarının azlığına görə Rəfiyevin vəkilinin əlavə sübutlar təqdim etmək üçün vəsatətini nəzərə alaraq, hazırlıq iclasını fevralın 24-nə təxirə salıb.

Qeyd edək ki, Rəfiyev media nümayəndələrinin onu təhqir etdiyini iddia etmişdi.

Bundan öncə isə Nərimanov Rayon Məhkəməsi Rəfiyevin jurnalistlərə qarşı xüsusi ittiham qaydasında şikayət ərizəsini icraata götürməkdən imtina etmişdi.

• Toral Bayramov mükafatlandırılıb
• "Kəpəz"in yeni transferi: “Gəncəni belə görmək məni sevindirir"
• Adrian Skarlatake: "Bu, FKSB ilə matçdan öncə “Qarabağ” üçün böyük itkidir"
• Fatih Tekke və Tolunay Kafkas Bakıda - FOTO
• "Sumqayıt" - "Səbail": Komandalarda son durum