Misli Premyer Liqasının 11-ci turunun "Zirə" - "Turan Tovuz"(0:0) matçından sonra Kurban Berdiyevin mətbuat konfransı keçirilib. 

Apasport.az xəbər verir ki, mütəxəssis jurnalistlərin suallarını cavablandırıb.

"Bütün komanda adından Zəfər Günü ilə əlaqədar Azərbaycan xalqını təbrik edirəm. Oyun təxmin etdiyimiz kimi çətin oldu. Qırmızı vərəqədən sonra daha da çətin idi. Futbolçularıma təşəkkür edirəm ki, xarakter göstərdilər. İmkan daxilində əks-hücumlar yaratdılar, kifayət qədər də təhlükəli olurdu".

- Olabe qırmızı vərəqə aldığına görə cəzalanacaq?

- Xeyr, belə bir şey olmayacaq. Başqa cür oynaya bilmir. Döyüşkən xarakteri var, hamımızın bundan xoşu gəlir. Amma ona bildirmişdim ki, ehtiyatlı ol, sarı vərəqən var.

- "Turan Tovuz"un bu mövsüm ilk heç-heçəsi idi. Aktivinizə bir xal yazdınız, yoxsa iki xal itirdiniz?

- Qırmızı vərəqədən sonra bu xal yaxşıdır.

- Sizcə, Əliyar Ağayev ilk hissədə qırmızı vərəqə qərarını dəyişməklə doğru etdi?

- Mühakimə etmək çətindir. Bilmirəm baş hakim qərarını niyə dəyişdi.

• “Zirə” “Turan Tovuz”la heç-heçə etdi - YENİLƏNİB
• Türkiyə nəhənglərindən Zəfər Günü paylaşımı - FOTO
• Elmar Baxşıyev: "Bizdə əsas heyət anlayışı yoxdur"
• "Futbolçular xal qazanmaq üçün əziyyət çəkirlər"
• Bakıda "Məktəbli Qızlar" turnirinə start verilib