"Neftçi"nin forma sponsoru dəyişib.

Apasport.az xəbər verir ki, klub yenidən "Kappa" şirkəti ilə əməkdaşlığa başlayıb.

Bunu paytaxt təmsilçisinin mətbuat xidməti açıqlayıb.

Tərəflər arasında sponsorluq müqaviləsi bağlanıb. Anlaşma 2 il müddətinə nəzərdə tutulub.

Razılaşmaya əsasən, “Kappa” “Neftçi” PFK-nın əsas komandası üçün 3 eksklüziv dizaynlı oyun forması, həmçinin məşq və nümayiş dəstləri hazırlayacaq. Bundan əlavə, əsas, əvəzedici, qadın və akademiya komandaları “Kappa” istehsalı olan geyim dəstləri ilə təchiz diləcək.

Tezliklə klubun “Neftçi Arena”dakı fan mağazasında bu geyim dəstlərinin azarkeşlər üçün fiziki və onlayn satışı da təşkil olunacaq.

Xatırladaq ki, bunadək "Neftçi"ni idman dəstləri ilə "Errea" təmin edirdi.

Qeyd edək ki, 2017/18 mövsümündə də "ağ-qaralar" "Kappa"nın formalarını geyinib.

• Millimiz Gürcüstana böyük hesabla məğlub olub
• Ramalinqom üçün yeni təklif: QOL SİLAHININ TALEYİ MÜƏYYƏNLƏŞİR
• Salifu Suma Azərbaycana qayıdır? - PREMYER LİQADA HƏRARƏT YÜKSƏLİR
• Millimizin baş məşqçisi: "Komandanın göstərdiyi performansdan razıyam"
• "Sabah"ın yeni transferi niyə meydana çıxmadı? - ZƏDƏSİ VAR...