“Sabah”dan çempionluq yolunda NÖVBƏTİ ADDIM
07.02.2026 - 10:36
Misli Premyer Liqasının lideri "Sabah" heyət islahatlarını davam etdirir.
Apasport.az saytının əldə etdiyi məlumata görə, klub rəhbərliyi yayda müqaviləsi bitəcək Stas Pokatilovla bağlı qərarını verib.
Komandanın baş məşqçisi Valdas Dambrauskas qolkiperin çıxışından məmnundur. Qapıçı hazırda mütəxəssisin vazkeçilməz futbolçusudur.
Artıq tərəflər arasında ilkin razılaşma əldə olunub. Pokatilov növbəti mövsüm də "Sabah"ın şərəfini qoruyacaq.
Qeyd edək ki, Pokatilov cari mövsüm Premyer Liqanın bütün matçlarını əvəzolunmadan keçirib. Onun şərəfini qoruduğu "Sabah" isə ən az qol buraxan komandadır - 11.
İSRAYIL XEYRULLAYEV
Oxşar xəbərlər
Ana səhifə
Bütün xəbərlər