Daha öncə xəbər verdiyimiz kimi, “Neftçi” slovakiyalı hücumçu Samuel Mrazı heyətinə qatmaq niyyətindədir (bax).
Apasport.az xəbər verir ki, “Motor Lublin”in forvardı həmin keçidə münasibət bildirib.
O, Polşa mətbuatına açıqlamasında klubdakı durumunu və transfer təkliflərini dəyərləndirib: “Fasilədən sonra ilk matçıma çıxmaq üçün səbrsizlənirəm. Lublində həm meydanda, həm də meydandan kənarda özümü çox yaxşı hiss edirəm. Klubdan ayrılmaq üçün üzərimdə heç bir təzyiq yoxdur. Əminliklə burda qalacağımı da söyləmək çətindir. Amma bu varianta müsbət yanaşıram. Klubda hər kəslə münasibətim çox yaxşıdır. Hər şey qaydasında getdiyi üçün məşqlərə də rahat çıxıram. İnamla öz üzərimdə çalışıram. Bu gün məni maraqlandıran yeganə şey sağlam olmaq və ilk matça hazırlaşmaqdır.
Futbolçu Azərbaycan təmsilçisi “Neftçi”nin onunla maraqlanmasına da şərh verib: “Bu barədə məlumatım var. Lakin rəsmi təklif almamışam”.
Qeyd edək ki, Mraz karyerası ərzində “Empoli”, “Bröndbü”, “Spetsiya” kimi klubların şərəfini qoruyub.
Oxşar xəbərlər
Ana səhifə
Bütün xəbərlər
Hesabım