Stefan Aka: “Neftçi” ilə görüşdə şanssızlıq yaşadıq”

Stefan Aka: “Neftçi” ilə görüşdə şanssızlıq yaşadıq” - MÜSAHİBƏ

12.02.2025 - 20:57

“Zirə”nin müdafiəçisi Stefan Aka apasport.az saytına müsahibə verib.

- “Zirə” “Neftçi” ilə oyunda məğlub oldu. Matçın son dəqiqələri dramatik keçdi. Səncə, niyə birdən-birə bu qədər dramatik oldu?
- Düzünü desəm, bilmirəm. Bəli, oyun dramatik alındı. Ancaq fikrimcə, “Neftçi” ilə görüşdə bəxtimiz gətirmədi. Şanssızlıq yaşadıq.

- Komanda qol vurduqdan sonra niyə bərabərliyi qoruya bilmədi?
- Bayaq dediyim kimi, bu görüşdə bəxtimiz gətirmədi. Futbolda baş verə biləcək hadisələrdir. Amma bu da növbəti görüşlərimiz üçün bizə dərs olacaq.

- Səncə, matçın ədalətli nəticəsi 1:2 idi?
- Düşünürəm ki, bərabər səviyyədə keçən oyun idi. Hər halda, 1:1 daha yaxşı olardı. Oyunun necə keçdiyini düşünəndə bu fikrə gəlmək olar. Qarşıdakı matça köklənmişik.

- “Zirə” bu mövsüm ikinci dəfədir ki, “Neftçi”yə uduzur. Bunu nə ilə əlaqələndirirsiniz? “Neftçi”nin vəziyyəti yaxşı deyil. Amma siz onlara uduzursunuz...
- “Neftçi” yaxşı vəziyyətdə olmaya bilər, amma onların yaxşı oyunçuları var. Hər iki görüşdə də biz yaxşı oynamışdıq. Daha da çoxuna layiq idik. Amma təəssüf ki, belə nəticələr oldu.

- “Zirə” hazırda üçüncü yerdədir. “Araz-Naxçıvan” isə xal itirib. Onlarla xal fərqini azalda bilərdiniz. Yaxşı fürsət idi. Düzdür?
- Bəli, dediyiniz kimi, bu yaxşı fürsət idi. Ancaq hələ çox oyun var. Biz hədəfimizə çatmaq üçün əlimizdən gələni edəcəyik. Ümidvaram və inanıram ki, bunu reallaşdıra biləcəyik.

- Növbəti turda “Zirə” “Sumqayıt”la qarşılaşacaq. Bu matç haqqında nə düşünürsən? “Sumqayıt”ı səfərdə məğlub edə biləcəksiniz?
- Maraqlı oyun olacaq. Biz üç xalı əldə etmək üçün əlimizdən gələni edəcəyik. Artıq həmin oyuna hazırlaşırıq. Ümidvaram ki, istədiyimiz kimi alınacaq.

- Bu mövsüm həm kubok, həm də Premyer Liqa daxil olmaqla, ötən mövsümdən daha çətin keçir. Razısan?
- Bəli, mən də belə düşünürəm.