İngiltərənin Birminhem şəhərində keçirilən qapalı manejlərdə atletika üzrə dünya çempionatına yekun vurulub. Apasport.az saytının məlumatına görə, 4 gün davam edən yarışın ardından yığmaların komanda hesabında yekun nəticələri açıqlanıb.

Mundiala cəmi bir idmançı ilə yollanan millimiz 5 xalla 37-ci yeri tutub. Belə ki, üçtəkanla tullanmada 4-cü yeri tutan Aleksis Kopello millimizə 5 xal qazandırıb. Komandamız bu pilləni eyni xala malik Rumıniya ilə bölüşür.

Qeyd edək ki, komanda hesabında 1-ci yeri 208 xal toplayan ABŞ millisi tutub. Böyük Britaniya 67 xalla 2-ci, Efiopiya 57 xalla 3-cü olub.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq