Azərbaycan yığmasının milliləşdirilmiş atleti Layeş Abdullayeva ölkəmizdən ayrılıb. Bu barədə məlumatı apasport.az saytına atletika üzrə yığmamızın baş məşqçisi Məhərrəm Sultanzadə verib. Onun sözlərinə görə, 25 yaşlı efiopiyalı marafonçu artıq vətəninə dönüb. Buna səbəb Abdullayevanın üzvü olduğu “Ümid” klubunun idmançı ilə müqaviləni uzatmamağı olub: “Artıq Layeş üçün Azərbaycan yığmasının qapısının bağlandığını qeyd etmək olar”.

Xatırladaq ki, 1500, 3000, 5000 və 10000 m məsafələrə qaçışda yığmamızın şərəfini qorumuş atlet 2009-cu ildə Azərbaycan vətəndaşlığını qəbul etmişdi.

O, millimizin heyətində Avropa çempionu (U-23, 5000 m və 10000 m) adını qazanıb. Həmçinin qitə və dünya çempionatlarında, İslamiadada komandamızın aktivinə müxtəlif əyarlı medallar yazdırıb. London-2012-də də ölkəmiz adından çıxış edib.

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı