Atletika üzrə dünyanın məşhur yarışlarından olan “Brilyant Liqa”ya start verilib. Apasport.az saytının məlumatına görə, 14 mərhələdən ibarət turnirin ilk sınağı Dohada baş tutub.

Yarış Türkiyə millisinin şərəfini qoruyan azərbaycanlı atlet Ramil Quliyev üçün uğursuz alınıb. 200 m məsafəyə qaçışda dünya çempionu olan həmyerlimiz Dohada finiş xəttinə birinci çata bilməyib. O, yeni mövsümdə eyni məsafəni 20,11 saniyəyə qət etməklə, 3-cü olub. Yarışın qalibi Noa Liles (ABŞ) Quliyevi 0,28 saniyə qabaqlayıb. İkinci yerdə isə trinidad və tobaqolu Jereem Riçards (19,99) qərarlaşıb.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq