Avrasiyanın ən gözəl qadın şahmatçısı müəyyənləşib. Apasport.az saytının məlumatına görə, internet səsverməsi ilə keçirilən sorğunun nəticəsinə əsasən materikin ən gözəl xanım zəka sahibinin adına aydınlıq gəlib.

9136 səs yığan qazaxıstanlı Jansaya Abdumalik Avrasiyanın ən gözəli elan edilib. 17 yaşlı şahmatçı ötən il ilk dəfə ölkə çempionu adını qazanmaqla, ən böyük uğuruna imza atıb.

İkinci yeri özbəkistanlı beynəlxalq usta Sarvinoz Kurbanboyeva tutub. O, respondentlərdən 7848-nin zövqünü oxşayıb. Tacikistan millisinin üzvü Mutriba Xotami 3-cü yerdə qərarlaşsa da, liderlərdən çox geri qalıb. O, vur-tut 653 səs yığa bilib.

Müsabiqədə materikin bir çox ölkələrinin idmançıları ən gözəl adına namizəd olub. Azərbaycanı müsabiqədə Nərmin Xələfova təmsil edib.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb