Bu gün Rusiyanın Kazan şəhərində taekvondo üzrə Avropa çempionatına start verilib. Apasport.az saytının məlumatına görə, Azərbaycan millisi yarışın ilk gününü medalla başa vurub.

Belə ki, 49 kq çəki dərəcəsində mübarizə aparan Patimat Abakarova bolqarıstanlı Nikol Çorbanovanı və rusiyalı Svetlana İqumenovanı məğlub edərək, yarımfinala vəsiqə qazanıb. Lakin Olimpiya mükafatçımız bu uğurunu davam etdirə bilməyib. O, finala gedən yolda Kristina Tomiçə (Xorvatiya) məğlub olaraq, bürünc medalla kifayətlənib.

Digər taekvondoçularımızdan Qaşım Maqomedov (58 kq) böyük britaniyalı idmançını yarışdan kənarlaşdırsa da, ispan rəqibini məğlub edə bilməyib. Xanoğlan Kərimovla (54 kq) və Fatimə Şabannya Mansur (46 kq ) isə ilk qarşılaşmadan məğlub ayrılıb.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq