“Oyun bir qədər çətin keçdi. Bu, komandamızın ilk matçı idi və futbolçular arasında həyəcan hiss olunurdu. İnşallah, gələn görüşlərdə oyunumuzu təkmilləşdirməyə çalışacağıq”.

Apasport.az xəbər verir ki, bu sözləri jurnalistlərə açıqlamasında Azərbaycanın Amputant Futbolu üzrə milli komandasının baş məşqçisi Ramil Həbibov deyib.

O, komandadan gözləntilərin yüksək olduğunu vurğulayıb: “Qarşıda bizi İsrail millisi ilə oyun gözləyir. Rəqibimiz güclüdür, amma oyunçularıma inanıram. Hazırlıq prosesi yüksək səviyyədə keçirilib və komandamızın fiziki hazırlığı çox yaxşıdır”.

Mütəxəssis həmçinin ölkədaxili çempionatın yaradılması istiqamətində işlər görüləcəyini açıqlayıb: “Bildiyiniz kimi, hazırda ölkədə daxili çempionatımız yoxdur. Lakin bu turnirdən sonra liqanın yaradılması istiqamətində addımlar atılacaq”.

Qeyd edək ki, Azərbaycan millisi Millətlər Liqasının C qrupunun ilk oyununda Belçikanı 3:0 hesabı ilə məğlub edib.

• "Neftçi" “Qəbələ” səfərindən 3 xalla qayıdır - YENİLƏNİB
• “Lokomotiv”in müdafiəçisi “Turan Tovuz”da - RƏSMİ
• "Karvan"ın futbolçularına danışılmış oyunlarla bağlı seminar keçirilib
• İslam Maxaçevə görə ən gözəl qol: İBRA SƏVİYYƏSİ - VİDEO
• Qurban Qurbanov Mustafazadənin transferi ilə bağlı: Onun özü ilə danışıb, razılaşmışdım