Albaniyanın “Eqnatiya” klubunun azərbaycanlı müdafiəçisi Zamiq Əliyev apasport.az saytına açıqlama verib.

Milli komandamızın üzvü ölkə kubokunun 1/8 final mərhələsinin “Kastrioti” (4:0) ilə matçında qol hesabını açıb. O, bununla bağlı fikirlərini bölüşüb:

“Təbii ki, oyun bizim üçün uğurlu keçdi. Komanda olaraq meydana yalnız qalibiyyət üçün çıxırıq. Albaniyanın son çempionuyuq, superkuboku da qazanan komanda olduq. Əsas məqsədimiz daim qələbədir. Ölkə kubokunun "Kastrioti" ilə görüşünə də qələbə üçün çıxmışdıq. Oyunda ilk qolu mən vurdum. Bu, həm də mənim "Eqnatiya"dakı ilk qolum oldu. Təbii ki, komandada ilk qolu vurduğuma görə çox xoşbəxtəm. Allah qoysa, ümidvaram ki, vurduğum qol sonuncu olmaz, ardı gələr. "Eqnatiya"ya daim kömək olmağa çalışacam”.

Qeyd edək ki, Zamiq 2024-cü ilin yayından bu klubun şərəfini qoruyur. 

• "Sumqayıt" - "Səbail": Komandalarda son durum
• Birinci Liqa klubuna danışılmış oyunlarla bağlı seminar keçirilib
• Hakim Riad Rəfiyevin ittihamlarını yetərsiz sayıb
• Azərbaycan çempionatında pley-offa yüksələn komandalar məlum olub
• “Mingəçevir”də işlər başladı - “Qəbələ”dən futbolçu gəlir