Azərbaycan Basketbol Liqasında XI tura yekun vurulub.

Apasport.az xəbər verir ki, turun son qarşılaşmaları B qrupunda baş tutub.

"Şəki" "Quba"nı qəbul edib. Şəki Olimpiya İdman Kompleksində baş tutan görüşdə meydan sahibləri qələbə qazanıb - 78:56.

"Gəncə" isə "Lənkəran"la qarşılaşıb. Lənkəran Olimpiya İdman Kompleksində keçirilən oyun qonaqların qələbəsi ilə nəticələnib - 79:66.

Qeyd edək ki, turun əvvəlki görüşlərində A qrupunda "Sabah" "Sərhədçi"ni 85:78, NTD "Abşeron"u 87:77, "Neftçi" "Naxçıvan"ı 73:63 hesabı ilə məğlub edib. B qrupunda isə "Ordu" "Sumqayıt" üzərində qələbə qazanıb - 89:82.

• “Sumqayıt”ın basketbolçusu: “Burda əsl istedadımı nümayiş etdirə bilirəm”
• NBA: "Kings" və "Thunder"dən qələbə
• ABL: "Sabah" növbəti oyununa çıxır
• "Şəki"də yeni basketbolçu
• Morantın inanılmaz xalı sayılmadı: NBA-da gecənin nəticələri - VİDEO