“Düşünürəm ki, liqanın ilk 3 oyununda 3 qələbə qazanmalı idik".

Apasport.az xəbər verir ki, bunu NTD komandasının basketbolçusu Daniel Mudi klubun mətbuat xidmətinə açıqlamasında deyib: 

"İki oyunda biz özümüz özümüzə məğlub olduq. Əslində, 3-0 olmalı idi. Müdafiədəki səhvlərimiz və qeyri-dəqiq atışlarımız məğlubiyyətlərə səbəb oldu.

İndi məşqlərimiz davam edir. Biz artıq bir müddətdir hazırlaşırıq, buna görə qarşıdakı oyunlarda kobud səhvlər olmamalıdır. Əgər meydançada öz gücümüzü göstərə bilsək, qələbələri qazanacağıq.

NTD-yə keçid mənim üçün böyük bir fürsət idi, ona görə də bu klubu seçdim. Bu mövsüm üçün əsas məqsədlərimiz play-off-a çıxmaq və çempionluq titulunu qazanmaqdır. Komanda olaraq bunları etsək, şəxsi məqsədlərim də reallaşacaq. Azərbaycan basketbol liqasında "4+1" limiti var. Ümumilikdə vəziyyət kifayət qədər yaxşıdır və düşünürəm ki, liqa hər il daha da inkişaf edəcək”.

• “Abşeron”dan çətin qələbə
• Lebron karyersında bir ilkə imza atıb
• “Ordu” yoxlama matçı keçirəcək
• “Neftçi”də iki yeni legioner - RƏSMİ
• "Sumqayıt"ın legioneri: "Yeməklərinizi çox bəyənirəm" - Açıqlama