Polşada 23 yaşadək cüdoçular arasında keçirilən Avropa çempionatında komanda yarışları yekunlaşıb.

Apasport.az xəbər verir ki, Azərbaycan yığması yarışı 7-ci pillədə başa vurub.

Cüdoçularımız ilk görüşdə tatami sahiblərinə 4:3 hesabı ilə qalib gəlib. Təmsilçilərimiz 1/4 finalda Almaniyaya 2:4 hesabı ilə uduzub. Yığmamız təsəlliverici görüşdə Rumıniya ilə bacarmayıb (2:4) və çempionatı 7-ci pillədə başa vurub.

Qeyd edək ki, yığmamız Avropa çempionatında şəxsi yarışlarda 5 medal qazanıb. Komandamızın heyətində Hüseyn Allahyarov (60 kq) və Fidan Əlizadə (57 kq) qızıl, Aydan Vəliyeva (52 kq) gümüş, Rüfət Şövlətovlə (73 kq) Ömər Rəcəbli (81 kq) isə bürüncə yiyələnib.

• Yeniyetmələr arasında Aran-Mil-Muğan bölgəsi üzrə region birinciliyi keçirilib
• Cüdoçularımızdan Qvadalaxara Qran-Prisinin ilk günündə 3 medal
• Cüdo üzrə Bakı birinciliyinə yekun vurulub - FOTO
• Cüdoçularımızın Qvadalaxara Qran-Prisindəki rəqibləri bəlli olub
• Yeniyetmə cüdoçular arasında Bakı birinciliyi start götürüb