Türkiyənin İstanbul şəhərində gənclər arasında Avropa Kubokuna start verilib. 

Apasport.az xəbər verir ki, yarışın ilk günündə Azərbaycan cüdoçuları 3 medal qazanıblar.

66 kq çəki dərəcəsində tatamiyə çıxan Nizami İmranov bütün rəqiblərindən üstün olaraq qızıl medalı boynundan asıb. O, finalda özbəkistanlı Dilşodbek Hamroyevə qalib gəlib.

60 kq çəkidə isə iki idmançımız üçüncü yeri tutub. Nihad Məmişov və Fərid Qarayev yarımfinalda uduzsalar da, bürünc qazanmaq şanslarını qaçırmayıblar.

Qeyd edək ki, ölkəmiz turnirdə 38 cüdoçu ilə təmsil olunur.

• Cüdo üzrə Liqa yarışının III turu keçiriləcək
• Mingəçevirdə cüdoçuların kəmər dərəcələri üzrə rəsmi imtahanı keçirilib
• Cüdoçumuzdan Avropa Kubokunda gümüş medal
• Yaponiya millisi Bakı-2026 dünya çempionatı üçün heyətini açıqlayıb
• Cənub bölgəsi üzrə U-17 yeniyetmələr arasında region birinciliyi keçirilib