Gürcüstanın paytaxtı Tbilisidə keçirilən “Mikheil Khergiani Cup 2026” beynəlxalq idman dırmanması turniri Azərbaycan idmançıları üçün uğurla başa çatıb.

Apasport.az xəbər verir ki, Azərbaycan Alpinizm Federasiyasının idmançıları boulderinq növü üzrə bir gümüş və bir bürünc medal qazanıblar.

Turnirdə Gürcüstan, Azərbaycan, Türkiyə, Rusiya, Ukrayna və Ermənistan idmançıları mübarizə aparıblar. Azərbaycan yığması yarışda məşqçi Çingiz Tağızadənin rəhbərliyi altında dörd idmançı — iki kişi və iki qadın idmançı ilə təmsil olunub. Komandamızın bütün üzvləri təsnifat mərhələsini uğurla adlayaraq final mərhələsinə yüksəliblər.

Qadınlar arasında Əhmədova Leyla gümüş medala layiq görülüb. Kişilər arasında isə Nazim Yusifzadə üçüncü yeri tutaraq bürünc medal qazanıb.

Qeyd edək ki, “Mikheil Khergiani Cup”Gürcüstan Alpinizm Federasiyasının təşkilatçılığı ilə keçirilən beynəlxalq idman dırmanması turniridir. Yarış boulderinq növü üzrə təşkil olunur və reqlamentə əsasən, final mərhələsində qadınlar və kişilər arasında təsnifat mərhələsinin nəticələrinə görə ən güclü səkkiz idmançı mübarizə aparır.

• Bakıda Avropa Su İdmanı Federasiyasının konfransı keçiriləcək
• Azərbaycan "Formula 1"in dəstəklədiyi qlobal STEM Racing proqramına qoşulub
• Azərbaycanlı idmançı Avropa çempionu oldu - Rumıniyada qızıl medal
• Xiaomi Bakıda yeni Xiaomi 17T seriyasının təqdimatında texnologiya və futbolu bir araya gətirdi
• Antonelli Monako Qran-prisini lider tamamlayıb