Azərbaycan millisinin üzvü Fatimə Alkərəmova Belarus Açıq Üzgüçülük Kubokunda fəxri kürsüyə yüksəlib.

Apasport.az xəbər verir ki, Minskdə keçirilən yarışda təmsilçimiz qarışıq üsulla 400 metr məsafəni 5:11.93 nəticə ilə başa vuraraq bürünc medal qazanıb.

Fatimə Alkərəmova bras üsulu ilə 100 metr məsafədə də şəxsi rekordunu yeniləyib. O, məsafəni 1:17.41 nəticə ilə başa vuraraq əvvəlki ən yaxşı göstəricisini (1:17.50) geridə qoyub.

Qeyd edək ki, Belarus Açıq Üzgüçülük Kuboku iyulun 14-18-də keçirilib. Azərbaycanı yarışda Fatimə Alkərəmova təmsil edib. Onun məşqçisi Yana Xasyanovadır.

• Azərbaycan qolfçuları Parisdən 2 medalla qayıdıblar
• Rusiya Olimpiya Komitəsinin hüquqları bərpa olundu - Rəsmi açıqlama
• Rusiya ilə bağlı qərar - BOK məhdudiyyətləri ləğv etdi
• Azərbaycan idmançıları Gürcüstanda keçirilən beynəlxalq turnirdə medal qazanıblar
• MOK rəsmisi İstanbul-2027 Avropa Oyunlarının şef de-mission seminarına qatılıb