İspaniyanın paytaxtı Madriddə pauerliftinq üzrə “WRPF PHL Arena world cup IFBB 2025” keçirilib.

Apasport.az xəbər verir ki, yarışda Azərbaycanı xüsusi dəvətlə Ramil Əhmədov edib.

Elitar divizionda təchizatsız pauerliftinqdə idmançımız 110 kq çəki dərəcəsində 835 kq nəticə ilə birinci yer və mütləq qaliblər arasında üçüncü yeri tutub.

O, oturub durma hərəkətində 312,5 kq, sinədən sıxma hərəkətində 210 kq, yerdən qaldırma hərəkətində 312,5 kq ağırlığın öhdəsindən gəlib.

Əhmədov oturub durma hərəkətində peşəkar idmançımız Vüsal Ağalarova məxsus 311 kq Azərbaycan rekordunu da yeniləyib.

Qeyd edək ki, 2024-cü ilin dekabrında IPL Dünya kubokunda aldığı zədələrlə bağlı 6 ay müalicə alan pauerliftinqçi son 3 ayda məşqlərə qayıdıb.

• Paralimpiyaçımız Avropa çempionatında növbəti gümüş medalını qazanıb
• Azərbaycanlı idmançı fiqurlu konkisürmədə olimpia rekordunu yeniləyib - FOTO
• Ruslan Lunev Avropa Kubokunda qızıl medal qazanıb
• Gəncədə III MDB Oyunlarının açılış mərasimi keçirilib - YENİLƏNİB
• III MDB Oyunları: Azərbaycan üzgüçülükdə ilk medalını qazandı - FOTO