Beynəlxalq Gimnastika Federasiyası (FIG) Azərbaycan millisinin sabiq qapıçısı Dmitri Kramarenkonun qızı Lalənin beynəlxalq yarışlarda bitərəf statusda çıxış etməsinə icazə verməyib.

Apasport.az xəbər verir ki, qərarın səbəbi rusiyalı gimnastın siyasi tədbirlərdə iştirakı ilə bağlıdır.

Bildirilir ki, o, Rusiya yığmasının sabiq baş məşqçisi İrina Vinerlə birgə fotoda yer alıb, həmçinin Vətənin Müdafiəsi Gününə həsr olunmuş qala-konsertə qatılıb və Xüsusi Hərbi Əməliyyatla əlaqəli rəmzləri açıq şəkildə dəstəkləyib.

FIG-in qərarı dərhal qüvvəyə minib. Lalə Kramarenkonun bu qərara etiraz edərək İdman Arbitraj Məhkəməsinə (CAS) müraciət etdiyi bildirilir.

• Bu gün batut və tamblinq üzrə ölkə çempionatı start götürəcək
• Azərbaycan gimnastları Dünya Kuboku və AGF Trophy yarışlarında üç qızıl medal qazanıblar
• Azərbaycanın akrobatika gimnastları Bakıda keçirilən Dünya Kubokunun qalibi olublar
• Dünya kubokunda final: Gimnastlarımız üçün medal şansı
• Akrobatika və aerobika gimnastikası üzrə beynəlxalq turnirdə ikinci gün başa çatıb