Azərbaycanın qrup hərəkətləri komandası Bolqarıstanın Burqas şəhərində keçirilən bədii gimnastika üzrə Avropa kubokunda gümüş medal qazanıb.

Apasport.az xəbər verir ki, komandamız Ləman Əlimuradova, Darya Sorokina, Yelizaveta Luzan, Güllü Ağalarzadə, Kamilə Əliyeva və Sofiya Məmmədovadan ibarət heyətlə üç top və iki halqa ilə kompozisiyanın icrasından sonra fəxri kürsüdə yer alıb.

Gimnastlarımız 25,150 xal toplayaraq ikinci yeri tutublar. Qızıl medal isə Bolqarıstan gimnastlarına qismət olub.

Eyni zamanda, beş lentlə icra edilən kompozisiya komandamıza dördüncü yeri qazandırıb.

Komanda həmçinin çoxnövçülükdə mayın 17-də keçiriləcək finala - "Cross Battle" yarışına vəsiqə qazanıb.

• Millimizin üzvü Misirdə gümüş medal qazanıb
• Ağahüseynova bürünc medal qazanıb
• Bakıda keçirilən Avropa Kubokunun növbəti mükafatçıları müəyyənləşib
• Millimiz Avropa kubokunda qızıl medal qazanıb
• Avropa Kubokunun açılış mərasimi keçirilib