“Paris-2024” Yay Olimpiya Oyunlarında iştirak edəcək Azərbaycanın sərbəst güləşçisi Hacı Əliyevin (65 kiloqram) rəqibləri arasında dəyişiklik olub.

Apasport.az Dünya Güləş Birliyinin rəsmi saytına istinadən xəbər verir ki, rusiyalı idmançı Şamil Məmmədov yarışa qatılmaqdan imtina edib. O, Olimpiadada neytral statusda çıxış etmək istəməyib.

Ş.Məmmədovu moldovalı güləşçi Maksim Sakultan əvəzləyib.

Qeyd edək ki, Paris Olimpiadasında ümumilikdə 97 sərbəst güləşçi medallar uğrunda mübarizə aparacaq. Onlar 6 çəki dərəcəsində mükafatçıları müəyyənləşdirəcəklər. Azərbaycan millisi turnirdə bütün çəkilərdə təmsil olunacaq. Sərbəst güləş yarışları avqustun 8-dən 11-dək keçiriləcək.

• Güləş üzrə ölkə çempionatına start verilib
• Azərbaycan güləşçiləri Göygöldə növbəti təlim-məşq toplanışına başlayıblar
• Güləş üzrə ölkə çempionatları Gəncədə keçiriləcək
• Millimizin baş məşqçisi: “Bu texniki ustalıq həm də fiziki hazırlıq tələb edir”
• Millimizin üzvləri yeni güləş qaydalarıyla tanış olublar