Qadın şahmatçılardan ibarət Azərbaycan millisi Naftalan şəhərində növbəti təlim-məşq toplanışına başlayıb.

Apasport.az xəbər verir ki, bunu Azərbaycan Şahmat Federasiyasının mətbuat xidməti açıqlayıb.

Əsas məqsəd komandalar arasında Avropa çempionatına hazırlıqdır.

Bir həftə ərzində Azərbaycan komandası Dünya Kubokunun yarımfinalçısı Nicat Abasov və üçqat Avropa çempionu Qədir Hüseynovun rəhbərliyi altında məşqlərdə iştirak edəcək.

Qeyd edək ki, qadın şahmatçılardan ibarət Azərbaycan millisinə Ülviyyə Fətəliyeva, Gövhər Beydullayeva, Gülnar Məmmədova, Xanım Balacayeva və Ayan Allahverdiyeva dəvət olunub. İlahə Qədimova kapitan olaraq təsdiqlənib.

Komandalar arasında Avropa çempionatı oktyabrın 4-15-i aralığında Gürcüstanın Batumi şəhərində keçiriləcək.

• Şahmatçılarımız dünya çempionatında mübarizə aparır - FOTO
• "Baku Open" Beynəlxalq Şahmat Festivalının son turuna start verilib - FOTO
• Azərbaycan Şahmat Federasiyasının rəhbərliyi gənc şahmatçıların valideynləri ilə görüş keçirib
• Sərxan Həşimov ECU vitse-prezidentliyinə namizəd oldu
• Nicat Abasov: "Sanki çempionatın finalında mübarizə aparırdım"