İyulun 7-də Bakıda keçirilən “Baku Open 2024” beynəlxalq şahmat festivalına yekun vurulub. 

Apasport.az xəbər verir ki, festival Gənclər və İdman Nazirliyi, Azərbaycan Şahmat Federasiyasının (AŞF) təşkilatçılığı ilə təşkil olunub.

Kişilərin mübarizəsində Sina Movahed (İran) festivalın qalibi olub. Abhimanyu Puranik və Mittal Aditya (Hindistan) müvafiq olaraq 2-3-cü yerləri tutublar. 

Qadınlar arasında isə Polina Şuvalova (FIDE) 6,5 xalla qalib olub. Qazaxıstanlı şahmatçılar Bibisara Assaubayeva (6,5 xal) və Meruert Kamalidenova (5,5 xal) ikinci və üçüncü pillədə qərarlaşıblar.

Qeyd edək ki, FIDE-nin 100 illiyinə həsr olunan turnirdə Bolqarıstan, Gürcüstan, Hindistan, İran, Qazaxıstan, Səudiyyə Ərəbistanı, Qətər, Türkiyə, Ukrayna, ABŞ, Özbəkistan şahmatçıları, eləcə də FIDE bayrağı altında yarışan zəka sahibləri iştirak ediblər.
 
 

• Şahmatçımız dünya çempionunu MƏĞLUB EDİB
• Azərbaycanın "Odlar yurdu" komandası şahmat üzrə dünya çempionatında mübarizə aparacaq
• Azərbaycan çempionu “UzChess Cup”da birinci yeri rəsmiləşdirdi
• Azərbaycanın 8 şahmatçısı İtaliyada yeniyetmələr arasında dünya çempionatında mübarizə aparacaq
• Beşinci Landau Şahmat Festivalı keçiriləcək