Beynəlxalq Şahmat Federasiyası (FIDE) Rusiya Şahmat Federasiyasının üzvlüyünü müvəqqəti dayandırıb.

Apasport.az xəbər verir ki, bu barədə FIDE-nin mətbuat xidməti məlumat yayıb.

Buna səbəb qurumun İdman Arbitraj Məhkəməsinin (CAS) qərarına əməl etməməsi olub.

İyunun 9-dək yerinə yetirilməli olan tələblər baş tutmayıb. Həmin tələblər Rusiyanın Luqansk, Donetsk, Xerson və Zaporojye vilayətlərində, eləcə də Krımda bütün fəaliyyətini 90 gün ərzində dayandırmalı olduğunu bildirirdi.

CAS-ın qərarının icrasını qiymətləndirmək və FIDE Nizamnaməsinə uyğun qərarlar qəbul etmək üçün iyunun 17-də beynəlxalq təşkilatın Şurasının iclası planlaşdırılır.
 

• 8 şahmatçımız Batumidə keçiriləcək Dünya Kubokunda iştirak edəcək
• Məmmədyarovdan qələbə ilə start
• AŞF yeni loqosunu təqdim edib
• 12 şahmatçımız Avropa çempionatında çıxış edəcək
• Millimiz türkdilli ölkələrin şahmat çempionatında ÇEMPİON OLUB - FOTO