Hindistanın Qandinaqar şəhərində şahmat üzrə gənclər arasında dünya çempionatında III turun partiyaları oynanılıb.

Apasport.az xəbər verir ki, hesabat turunda Azərbaycan təmsilçilərindən Ayan Allahverdiyeva qara fiqurlarla hindistanlı Saparya Qhosu üstələyib. Qara fiqurlarla mübarizə aparan digər təmsilçimiz Nərmin Abdinova isə yerli şahmatçı Advika Saruprianı məğlub edib. Səbinə Rzalı da 3-cü turda qələbə qazanıb. O Hasini Kamabathulanı (Hindistan) təslim olmağa məcbur edib.

Bu nəticələrdən sonra A.Allahverdiyeva və N.Abdinova maksimum nəticə ilə liderlər sırasında qərarlaşıb. S.Rzalı isə 1,5 xalla 59-cu pillədə yer alıb.

Xatırladaq ki, turnir İsveçrə sistemi ilə keçirilir. 11 turdan ibarət yarışda 44 ölkədən 102 şahmatçı mübarizə aparır.

• Şahmatçımız dünya çempionunu MƏĞLUB EDİB
• Azərbaycanın "Odlar yurdu" komandası şahmat üzrə dünya çempionatında mübarizə aparacaq
• Azərbaycan çempionu “UzChess Cup”da birinci yeri rəsmiləşdirdi
• Azərbaycanın 8 şahmatçısı İtaliyada yeniyetmələr arasında dünya çempionatında mübarizə aparacaq
• Beşinci Landau Şahmat Festivalı keçiriləcək