Respublika Şahmat Mərkəzinə direktor təyin edilib. 

Apasport.az-ın əldə etdiyi məlumata görə, bu vəzifə Elşən Məmmədova həvalə olunub. 

E.Məmmədov yeni təyinatadək Qusar Olimpiya İdman Kompleksinə iki il rəhbərlik edib. 

Daha əvvəl isə o, 23 ilədək idman jurnalisti kimi "Şərq" və "Futbol+" qəzetləri, APA Sport, Lent.az və "Report" agentliklərində müxbir və redaktor kimi çalışıb. 2020-ci ildə Prezident İlham Əliyevin sərəncamı ilə "Tərəqqi" medalına, 2016-cı ildə isə Gənclər və İdman Nazirliyi tərəfindən "İlin idman jurnalisti" adına layiq görülüb. 

E.Məmmədov eyni zamanda İdman Araşdırmalar Mərkəzinin rəhbəri kimi ardıcıl 10 dəfə "İlin Qalibləri" layihəsini, həmçinin minifutbol və voleybol üzrə Zəfər Kuboku turnirlərini təşkil edib.

• Şahmatçımız beynəlxalq turnirdə ikinci oldu
• Şahmatçılarımız dünya çempionatında mübarizə aparır - FOTO
• "Baku Open" Beynəlxalq Şahmat Festivalının son turuna start verilib - FOTO
• Azərbaycan Şahmat Federasiyasının rəhbərliyi gənc şahmatçıların valideynləri ilə görüş keçirib
• Sərxan Həşimov ECU vitse-prezidentliyinə namizəd oldu