Azərbaycanın kişi basketbolçulardan ibarət yığmasının Avropa çempionatının seçmə mərhələsinin B divizionunda keçirəcəyi oyunların təqvimi məlum olub. Apasport.az saytının məlumatına görə, B qrupunda yer alan yığmamız ilk dövrənin qarşılaşmalarına bu ilin avqustunda çıxacaq.

Elxan Əliyevin rəhbərlik etdiyi kollektiv avqustun 8-də Albaniyanın qonağı olacaq. Bundan 6 gün sonra basketbolçularımız Belarusu qəbul edəcəklər. Avqustun 17-də isə Rumıniyada yerli komandaya qarşı mübarizə aparacağıq. Nəhayət, yığmamız ilk dövrənin son matçını avqustun 21-də doğma meydanda keçirəcək. Həmin gün rəqibimiz İsveç olacaq. Eyni komandalarla ikinci dövrənin qarşılaşmaları gələn ilin aprelində gerçəkləşəcək.

Qeyd edək ki, yekunda 2 ən güclü kollektiv A divizionuna yüksələcək.

• “Azərreyl”də yeni voleybolçu
• "Azərreyl" rusiyalı ilə müqavilə yeniləyib
• AVF-nin məşqçi-müəllimlər üçün təşkil etdiyi növbəti kurs başa çatıb
• "Gəncə"də ayrılıq
• Voleybolçularımız Ermənistan təmsilçilərini məğlub ediblər