Türkiyə Basketbol Federasiyasının dəvəti ilə İstanbulda təlim-məşq toplanışında olan Azərbaycanın kişilərdən ibarət yığma komandası bu gün ilk yoxlama görüşünü keçirib. Apasport.az saytının məlumatına görə, Haliç Universitetinin komandası ilə üz-üzə gələn Elxan Əliyevin yetirmələri 73:80 hesabı ilə məğlub olublar.

Komandamızın sabah “Trabzonspor”la qarşılaşacağı gözlənilir. Basketbolçularımız aprelin 22-də “Bahçeşeher Universiteti”ni sınağa çəkəcəklər. Yığmamızın aprelin 23-də Türkiyədə son yoxlama görüşündə qüvvəsini sınayacağı klubun adı isə hələ dəqiqləşməyib.

Qeyd edək ki, aprelin 18-də səfərə yollanan millimiz burada 1 həftə hazırlıq keçəcək.

• “Azərreyl”də yeni voleybolçu
• "Azərreyl" rusiyalı ilə müqavilə yeniləyib
• AVF-nin məşqçi-müəllimlər üçün təşkil etdiyi növbəti kurs başa çatıb
• "Gəncə"də ayrılıq
• Voleybolçularımız Ermənistan təmsilçilərini məğlub ediblər