Növbəti mövsümə ciddi hazırlaşan “Qala” basketbol komandası ilk transferini reallaşdırıb. Apasport.az saytının məlumatına görə, son ili “Araz”da keçirən Azərbaycan yığmasının aparıcı üzvü Fuad Niftəliyev paytaxt klubu ilə 1 illik müqavilə imzalayıb.

“Qala” Niftəliyevlə yanaşı, heyətini 1 legionerlə də gücləndirmək fikrindədir. Komanda rəhbərliyi yeni mövsüm üçün Gürcüstan yığmasının basketbolçusu ilə də danışıqlar aparır. Razılıq əldə olunarsa, yenidən müəyyən müddətdən sonra “Qala”da legioner çıxış edəcək.

Qeyd edək ki, Azərbaycan çempionatına noyabrın 16-da start veriləcək.

• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib
• Azərbaycan klubundan 6 transfer
• "Azərreyl" Avropa Kubokunda iştirak edəcək