Bu gün "Sərhədçi" Olimpiya İdman Mərkəzində qadın voleybol klubları arasında beynəlxalq turnirə start veriləcək. Apasport.az saytının xəbərinə görə, mövsüm öncəsi sınaq xarakteri daşıyan və dairəvi sistem üzrə keçiriləcək yarış noyabrın 7-dək davam edəcək.

Turnirdə Azərbaycan Super Liqasında çıxış edən "Rabitə", "Lokomotiv" və "Azərreyl"lə yanaşı, Rusiyanın "Uraloçka"sıyla "Zareçye-Odintsovo"su, eləcə də Türkiyə təmsilçisi "Qalatasaray" baş mükafat uğrunda mübarizə aparacaq.

Turnirə saat 15.00-da "Lokomotiv" - "Uraloçka" oyunu ilə start veriləcək. Bu gün, həmçinin "Azərreyl" - "Qalatasaray" (17:00) və "Rabitə" - "Zaraçye-Odintsovo" (19:00) qarşılaşmaları olacaq.

• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib
• Azərbaycan klubundan 6 transfer