Bu gün voleybol üzrə qadınlar arasında Çempionlar Liqasının (ÇL) qrup mərhələsinə start veriləcək. Apasport.az saytının məlumatına görə, qitənin 16 ən güclü komandasının mübarizə apardığı yarışda Azərbaycanı “Rabitə” klubu təmsil edəcək.

Serbiyalı mütəxəssis Dejan Brdjoviçin çalışdırdığı komanda ilk sınağı sabah səfərdə verəcək. Voleybolçularımızın ilk turda rəqibi Rumıniya çempionu “Dinamo-Romprest” olacaq. Qrupumuzda keçiriləcək digər matçda “Skavolini” (İtaliya) “Aluprof”u (Polşa) qəbul edəcək.

Qeyd edək ki, Çempionlar Liqasının ilk turunda ən maraqlı qarşılaşma “Fənərbaxça” (Türkiyə) – “Foppapedretti” (İtaliya) görüşü hesab olunur. Son mövsüm analoji yarışın finalında üz-üzə gələn bu komandaların duelində italiyalılar həlledici setdə qələbə qazanaraq ÇL-in qalibi adına layiq görülmüşdü. Bu dəfə də Türkiyədə qarşılaşacaq matça “Fənərbaxça” revanş arzusu ilə çıxacaq.


A qrupu

23 noyabr
“Srvena Zvezda” (Serbiya) – “Vakıf Günəş Türk Telekom” (Türkiyə)

25 noyabr
“Bank FSP Fakro” (Polşa) – “Zariçye Odintsova” (Rusiya)

B qrupu

25 noyabr
“Dinamo” Moskva (Rusiya) – ZOK SPLİT 1700 (Xorvatiya)
“Fənərbaxça” (Türkiyə) – “Foppapedretti” (İtaliya)

C qrupu

23 noyabr
ASPTT Mulhous (Fransa) – “Jamper Aquere” (İspaniya)

24 noyabr
“Əczaçıbaşı” (Türkiyə) – “Volero” (İsveçrə)

D qrupu

23 noyabr
“Lodz” (Polşa) – “MC-Karnagi” (İtaliya)

25 noyabr
“Modranska” (Çexiya) – “Kann” (Fransa)

E qrupu

24 noyabr
“Skavolini” (İtaliya) – “Aluprof” (Polşa)
“Dinamo-Romprest” (Rumıniya) – “RABİTƏ” (AZƏRBAYCAN)

• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib
• Azərbaycan klubundan 6 transfer