“Azərbaycan çempionu barədə ətraflı məlumata malik deyiləm. Yalnız onu bilirəm ki, vaxtilə rəhbərliyim altında oynayan Diana Nenova Bakı təmsilçisinin şərəfini qoruyur”. Apasport.az saytının məlumatına görə, bu sözləri Rumıniyanın “Dinamo-Romprest” voleybol klubunun baş məşqçisi Atanas Petrov deyib.

Bolqarıstanlı mütəxəssis Çempionlar Liqasının I turunda qarşılaşacaqları “Rabitə”dən ehtiyatlansa da, qələbə qazanmaq şanslarının yüksək olduğunu bildirib: “Azərbaycan çempionu bu mövsüm çox güclüdür. Avropanın ən yaxşı komandası hesab olunur. Uğurlu transferlər həyata keçirib. Amma bu, o demək deyil ki, onlara uduzacağıq. Qələbə qazanmaq üçün “Dinamo-Romprest”in də şansları yüksəkdir. Evdə oynamağımız bizim üstünlüyümüzdür. Komandamız Çempionlar Liqasında uğurlu çıxış etmək arzusunda olduğundan inanıram ki, bütün voleybolçularımız ürəklə oynayacaqlar. Turnirə qələbə ilə başlamaq istəyirik”.

Qeyd edək ki, Petrov “Dinamo-Romprest”ə bu mövsüm baş məşqçi təyin edilib. Bu gün “Rabitə” ilə baş tutacaq oyunda onun kimi Dejan Brdjoviç də komandamızı ilk rəsmi görüşə çıxaracaq.

• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib
• Azərbaycan klubundan 6 transfer