Voleybol üzrə Çempionlar Liqasının qrup mərhələsinin ilk oyunu “Rabitə” üçün uğurlu olub. Apasport.az saytının məlumatına görə, səfərdə Rumıniyanın “Dinamo-Romprest” komandası ilə oynayan Dejan Brdjoviçin yetirmələri rəqiblərinə heç bir şans verməyiblər. İlk hissədə 25:18 hesabı ilə qələbə qazanan paytaxt klubu ikinci setdə rumıniyalılara 25:22 hesabı ilə qalib gəliblər. Üçüncü hissə isə sonuncu olub. Bu dəfə rəqibinin 25:20 hesab ilə məğlub edən “Rabitə” qarşılaşmanın nəticəsini müəyyənləşdirib – 3:0.
Çempionlar Liqasına “wild card”la qatılan Azərbaycan çempionu növbəti görüşünü dekabrın 2-də Bakıda keçirəcək. Rəqib isə İtaliyanın “Skavolini” komandası olacaq.

• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib
• Azərbaycan klubundan 6 transfer