Yunanıstanın Drama şəhərində həndbolçu qadınlar arasında keçirilən dünya çempionatında I turun oyunlarına yekun vurulub. Apasport.az saytının məlumatına görə, yarışda mübarizə aparan Azərbaycan yığması ilk görüşünü İsveçrə millisinə qarşı keçirib.

Rəfiqə Şabanovanın yetirmələri birinci hissədən sonra 11:13 hesabı ilə geridə olsalar da, sonda qarşılaşmadan 1 xalla ayrılmağı bacarıblar. Görüş 29:29 hesabı ilə yekunlaşıb. Komandamızın heyətində Yulya Deryabina daha məhsuldar olub. O, rəqib qapısından 7 top keçirib.

Qrupun digər matçında isə Makedoniya yığması Yunanıstan həndbolçularına 27:21 hesabı ilə qalib gəliblər.

Qeyd edək ki, komandamız bu gün makedoniyalı həmkarlarını sınağa çəkəcəklər.

• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib
• Azərbaycan klubundan 6 transfer